حکومەتی غەززە، هۆشداریدەدات لەوەی 40 هەزار کۆرپە لە برسا چاوەڕێی مردن دەکەن

هەواڵ:

فەرمانگەی ڕاگەیاندنی حکومەت لە غەززە هۆشداریدا لە کارەساتێکی مرۆیی کە لە غەززە ڕودەدات، دەڵێت: ماوەی 150 ڕۆژە ڕێگەنەدراوە هیچ شیرێک ڕەوانە غەززە بکرێت ئەمەش منداڵانی کۆرپەی دوچاری برسێتی و بەدخۆراکی کردوتەوە.

لە بەیانامەکەی حکومەتی غەززە ئەوەش هاتوە، زیاتر لە 40 هەزار منداڵی کۆرپە کە تەمەنیان لە خوار یەک ساڵەوەیە برسین و توشی بەدخۆراکی بون لە برسا چاوەڕێی مردن دەکەن، ئاماژەی بەوەشکرد کە دایکان توانای شیردانیان بە منداڵەکانیان نەماوە و پێویستە بە زوترین کات دەروازەکان بە ڕو هاوکارییەکاندا بکرێتەوە ڕێگە بە ڕەوانە کردنی شیری منداڵ بدرێت.

حکومەتی غەززە، ڕێگرییەکانی ئیسرائیل لەبەردەم ڕەوانەکردنی هاوکارییەکان بە '' کۆمەڵکوژت بێدەنگ'' وەسف کرد و داواشی لە لایەن پەیوەندیدارەکان و نێودەوڵەتییەکان کرد کە هەڵوێستیان هەبێت.