شارەزایەکی کەشوهەوا پێشبینی، بۆ رۆژانی ئایندە بڵاوکردوەتەوە؛ لە سبەینێوە ئەم بایەی ڕوی لە ناوچەکە کردوە کۆتایی دێت و هۆشداریش دەدات لەوەی پلەکانی گەرما دەگەنە 50 پلەی سیلیزی.


هەواڵ:KNNC

 شارەزای کەشوهەوا، سیروان ساڵح بڵایکردوەتەوە، لە سبەینێوە کاریگەری ئەم ڕەشەبایە نامێنێت و  قۆناغ بە قۆناغ پلەکانی گەرما بەرز دەبنەوە.

سیروان ساڵح، ئاماژەی بەوەشکردوە، شەپۆلی گەرماکە لە زەریای هندەوە بەرەو هەرێمی کوردستان دێت،  لە کۆتایی ئەم هەفتەیەدا و سەرەتای هەفتەی ئایندە، بە تەواوەتی کاریگەرییەکەی دەردەکەوێت.


ناوبراو ئەوەشی خستوەتەڕو، پلەکانی گەرما بە تەواوتی بەرز دەبنەوە  و لە هەندێک ناوچە؛ بە تایبەت لە ناوچەی دەشتاییەکانی باشوری گەرمیان ئەگەر هەیە بگاتە 50 پلە.