نێچیرڤان بارزانی، بەهۆی یادی عاشوراوە پەیامێکی بڵاوکردەوە و تێیدا داوای گیانی یەکگرتویی و برایەتی نێوان عێراقییەکان دەکات و جەختیش لە چارەسەرکردنی ناکۆکییەکان بۆ خزمەتکردنی بەرژەوەندیی زیاتری وڵات و بەرزکردنەوەی سەقامگیری دەکاتەوە.

هەواڵ:KNNC

 ئەمڕۆ شەممە، لە پلاتفۆڕمی ئێکس، سەرۆکی هەریـی کوردستان، نێچیرڤان بارزانی، بە بۆنەی یادی عاشوراوە پەیامێکی بڵاوکردەوە و تێیدا هاتوە؛" لە یادی عاشورادا، بەهاکانی حەقیقەت و سەبر و قوربانیدان کە ئیمام حسێن و سەلامی خوای لێبێت بەرجەستەی کردوون و ئەو مانا مرۆییە بەرزانە و وانە و ئەخلاقە بێ کاتانەی ئەم بۆنەیە هەڵیگرتوە کە داوای دادپەروەری و لێبوردەیی و ئاشتی دەکەن، وەبیر دێنینەوە."

لە بەشێکی دیکەی پەیامەکەیدا باسی برایەتی نێوان پێکهاتەکانی عێراق دەکات و نوسیویەتی؛ لەم یادەدا گیانی یەکگرتوی و برایەتی نێوان عێراقییەکان دوپاتدەکەینەوە.

 هەروەها ئاماژەی بەوەشداوە پێویستی چارەسەرکردنی ناکۆکییەکان بۆ خزمەتکردنی بەرژەوەندیی زیاتری وڵات و بەرزکردنەوەی سەقامگیری دوپات دەکەیەنەوە.