بزوتنەوەى موجاهیدینى فەڵەستین دەستخۆشى لە وەڵامى ئێران دەکات بۆ هێرشەکانى ئیسرائیل بۆسەر وڵاتەکەى و دەشڵێت: ئەم هێرشە موشەکییانەى ئەنجام دران لاوازاى سیستمى بەرگرى ئیسرائیلى دەرخست کە بە پێشکەوتوترین چەکى ئەمەریکا و رۆژئاوا پاڵپشتى لێدەکرێت.

هەواڵ:KNNC

بزوتنەوەکە لە بەیاننامەیەکدا دەڵێت: دەستخۆشى لە وەڵامە بەرفراوانەکەى ئێران دەکەین لە دڵى ئیسرائیل و ئەوانەى لوتبەرز و شەڕانگێزن دەبێت باجەکەیشى بدەن.

دەڵێت: ئیسرائیلى پشت ئەستور بە تەواوى هێزە شەڕەنگێزەکانى جیهان جگە لە زمانى ڕم و هێز هیچى دیکە نازانێت و تا لەسەریشى نەدەیت ڕاناوەستێت، دەشڵێت: ئەم هێرشە موشەکییانە لاوازى سیستمى بەرگرى و سوپاى وڵاتەکەى ئاشکرا کرد کە لەلایەن ئەمەریکا و رۆژئاواوە پاڵپشتى لێدەکرێت.

ئاماژە بۆ ئەوەشکراوە کە سەربارى هێرشە بەرفراوانەکانى ئیسرائیل، بەڵام ئێران بە ئیرادەیەکى بەهێزەوە روبەڕویان وەستاوە و جەختیش دەکاتەوە کە قوربانیدان تەنها بەرخۆدانو ئیرادەیان بەهێز دەکات.