بەرەبەیانی ئەمڕۆ، بومەلەرزەیەک لە شاری مەرمەریسی تورکیا ڕویدا و بەهۆیەوە کەسێک گیانی لەدەستدا و 68 کەسی دیکەش بریندار بون، بەڵام هیچ زیانیکی ماددی لێنەکەوتەوە. 

هەواڵ:KNNC

لە کاتژمێر 2:17 خولەکی بەرە بەیانی ئەمڕۆ بومەلەرزیەکە بە گوڕی 5.8 پلەی رێختەر لە شاری مەرمەریس لە موغلای وڵاتی تورکیا رویدا و هیچ زیانێکی ماددی لێنەکەوتەوە، بەڵام عەلی یەرلیکایا، وەزیری ناوخۆی تورکیا سەبارەت بە بوومەلەرزەکە رایگەیاند، بەهۆی ترس و خۆهەڵدانەوە 68 کەس بریندار بون. 

وەزیری نوخۆی تورکیا رایگەیاند، بومەلەرزەکە لە پارێزگاکانی دەوروبەری شاری مەرمەریس هەستی پێکراوە، ئافاد و سەرجەم تیمەکانی دامەزراوە پەیوەندیدارەکانیان بە هەماهەنگی پارێزگارەکان گەڕانی مەیدانیان بۆ تۆمارکردنی زیانەکان ئەنجامداوە.

ئەو وەزیرە رونیکردەوە، بەپێی دەرەنجامە سەرەتاییەکان هیچ وێرانکارییەک لە باڵەخانەکانی نیشتەجێبون لە شارەکەدا نەبوە، بەڵام بەهۆی ترس و هەڵهاتنەوە 69 کەس برینداربون کە یەکێکیان گاینی لەدەستداوە. 

یەرلیکایا ئاماژەی بەوەشکرد، ئەو کەسەی گیانی لەدەستداوە کچێکی تەمەن 14 ساڵان بوە بەهۆی ترس و دڵەڕاوکێوە گوازرایەوە بۆ نەخۆشخانە، بەڵام سەرەڕای هەوڵی تیمە پزیشکییەکان گیانی لەدەستدا.