میدیاکانی ئێران بڵاویان کردوەتەوە، ئەمیر حسێن مەغسودلو ناسراو بە تەتلۆ، دوای بێ ئومێدبون لە ئازادکردنی هەوڵی داوە خۆی بکوژێت، بەڵام سەرکەوتونەبوە و لە ئێستادا بەهۆی ناجێگیرری تەندروستییەوە لە یەکێک لە نەخۆشخانەکانی تارانە، ناوەندی ڕاگەیاندنی دەسەڵاتی دادوەری ڕایگەیاند روداوەکە بەهۆی ژەهراوی بونەوەبوە.

هەواڵ:KNNC

دوای ئەوەی میدیاکانی ئێران  بڵاویانکردوەتەوە، بەهۆی   بێهیوابونیەوە، هونەرمەندی ناسراوی ئێران، ئەمیر تەتەلۆ هەوڵی خۆ کوشتنیداوە و سەرکەوتو نەبوە، بەهۆی ناجێگیری تەندروستییەوە، ڕەوانەی یەکێک لە نەخۆشخانەکانی تاران کراوە، ئەمڕۆ هەینی دەسەڵاتی دادوەری تاران دەڵێت هەوڵی خۆکوشتنی نەداوە و تەنها ژەهراوی بوە.

لەبارەی تەندروتسی هونەرەمەندە زیاندییەکەوە دەسەڵاتی دادوەری ئاماژەی بەوەکردوە لە ئێستادا دۆخی تەندروستی جێگیر و مەترسی لەسەر ژیانی نەماوە


لای خۆشیەوە  خوشکی هونەرمەندەکە ، نەسیم مەغسودلو، لە هەژماری تایبەتی خۆی لە تۆڕی کۆمەڵایەتی ئینستاگرام، بەبێ ئەوەی ڕونکردنەوەیەکی ورد بدات، نوسیویەتی؛ لێمان ببورە  تەتەلۆ کە تۆمان نەناسی، 50 ساڵە هونەرمەندێکی وەک تۆمان نییە و نازانین چۆن لێی تێبگەین.


ئەو  هونەرمەندە تەمەن 37 ساڵە بە تۆمەتی "سوکایەتیکردن بە پیرۆزییەکان" و بە دوو تۆمەتی "هاندانی گەندەڵی و لەشفرۆشی" سزای 10 ساڵ زیندانی بەسەردا سەپێنراوە.

لە ماوەکانی رابردودا،  دەسەڵاتی دادوەری  سزاکەی گۆڕی بۆ لە سێدارەدان و دوای بڵاوبونەوەی هەواڵەکە، ،  دەسەڵاتی دادوەری  راتان رایگەیاند ئەوە بڕیاری کۆتایی نییە و پارێزەرانی دۆسیەکە بە پشتبەستن بە مادەکانی 114 و 447 لە یاسای سزادانی ئیسلامی، هەوڵ دەدەن تۆمەتبارەکەیان لە لەسێدارەدان ڕزگار بکەن.