سندوقی گەشەپێدانی عێراق بۆ بەرهەمهێنانی شیری کۆرپە ، یاداشتێکی لێکتێگەیشتنی لەگەڵ کۆمپانیای (Agrium Capital)ی بەریتانی واژۆکرد بۆ دامەزراندنی یەکەم کارگەی مۆدێرن  بە سەرمایەی 200 ملیۆن دۆلار.

هەواڵ: KNNC


ئەمڕۆ دوشەممە، دوای واژوکردنی گرێبەستێکی بە سەرماییە 200 ملیۆن دۆلار لە نێوان سندووقی گەشەپێدانی عێراق  و کۆمپانیای (Agrium Capital)ی بەریتانی بۆ دامەزراندنی یەکەم کارگەی مۆدێرن بۆ بەرهەمهێنانی شیری کۆرپە، کۆمپانیاکە بەرهەمهێنانی کارگەکە 85%ی پێداویستییەکانی بازاڕی ناوخۆیی  پردەکاتەوە.

لای خۆیەوە، بەڕێوەبەری جێبەجێکاری سندوقی گەشەپێدانی عێراق، محەمەد نەجاڕ، ڕایگەیاند: پڕۆژەکە  ڕەنگە یەکێک بێت لە بچوکترین پڕۆژەکان کە ئێمە ئەنجاممان داوە، بەڵام نزیکترینە لە دڵی من و لە دڵی هەمو عێراقییەکان  بە لەبەرچاوگرتنی گرنگییەکەی بۆ ئایندەی گەنجانی عێراق، كە عێراق ساڵانە ژمارەی لەدایکبونەکانی لە زیادبوندایە و دەگاتە یەک ملیۆن منداڵ.

ئاماژەی بەوەشکرد، "زۆرێک لە جۆرەکانی شیری کۆرپەی هاوردە بەهای خۆراکی بەرزیان نییە، بۆیە پێمان وایە ئەم پڕۆژەیە گرنگییەکی ئەوتۆی هەیە بۆ تەندروستی منداڵانی عێراق و نەوەکانی داهاتو".
ڕۆد باسێت، بەڕێوەبەری کارگێڕی کۆمپانیای Agrium Capital بەریتانی ڕایگەیاند: کۆمپانیاکەیان جیهانییە، پڕۆژەکانی لە وڵاتە جیاوازەکانی جیهان جێبەجێ دەکات، هەروەها نزیکەی 3 هەزار کارمەندی دامەزراندوە و  ئەزمونێکی بەرفراوانیان هەیە لە بەرهەمهێنانی شیری کۆرپە و چەندین کارگەی تایبەتمەند لە سەرانسەری جیهاندا بەڕێوەدەبەن.