وەزیری دەرەوەی ئێران، هەبونی چەکی ئەتۆمی ڕەت دەکاتەوە و دەڵێت: ئەگەر کێشەکانیان لەگەڵ ڕۆژئاوا تەنها چەکى ئەتۆمە،  بونى چەکى ئەتۆم لەلایەن ئەوانیشەوە، قبوڵنەکراوە.

هەواڵ:KNNC

عەباس عێراقچی، وەزیری دەرەوەی ئێران، لە لێدوانێکدا لەبارەى پرسى چەکى ئەتۆمەوە، وتى: "ئەگەر کێشەکە چەکى ئەتۆمە، بەڵێ لای ئێمەش بونى چەکى ئەتۆم قبوڵنەکراوە و دوپاتیشى کردەوە، کە ئێران هەبونی چەکی ئەتۆمی ڕەت دەکاتەوە و هاوڕان لەگەڵ نەبونی چەکی ئەتۆمی لە وڵاتدا".

هەر دوێنێ عێراقچی ڕایگەیاند: ئێران سازش لەسەر پیتاندنی یۆرانیۆم ناکات و بەردەوامە لە کارەکانی لەو بوارەدا.

هەروەها، بە پێی چەند سەرچاوەیەکی دیبلۆماسی، وڵاتانی ڕۆژئاوا بە سەرۆکایەتیی ئەمریکا و لەگەڵ بەریتانیا، فەرەنسا و ئەڵمانیا ئامادەکاریی دەکەن بۆ فشارخستنە سەر دەستەی بەڕێوەبەرانی ئاژانسی نێودەوڵەتیی وزەی ئەتۆم بۆ دەرکردنی بەیاننامەیەکی فەرمی سەبارەت بە پابەندنەبونی ئێران سەبارەت بە کارە ئەتۆمییەکانی.

ئەم پێشهاتانە لە کاتێکدایە، ئێران و ئەمریکا، گەڕی پێنجەمی دانوستانەکانیان لەبارەى دۆسیەى ئەتۆمى ئێران ئەنجام داوە و لە چاوەڕوانى بەڕێوەچونى گەڕى شەشەمى دانوستانەکاندان.