دوای ئەوەی رۆژنامەنوسێکی سویدی بەهۆی هەڵوێستەکانی دژ بە سەرۆککۆماری تورکیا و هاوسۆزی بۆ کورد، لە تورکیا زیندانیکرابو، ئازادکرا.

هەواڵ:KNNC

جواکیم مەدین، رۆژنامەنوسێکی سویدییە و بەتۆمەتی سوکایەتیکردن بە سەرۆککۆماری تورکیا، رۆژی 28ـی ئازار لەکاتی گەیشتن بە فڕۆکەخانەی ئەستەنبوڵ دەستبەسەرکرا.

دواتر بە تۆمەتی، سوکایەتیکردن بە سەرۆککۆمار و ئەندامییەتی لە رێکخراوێکی تیرۆرستی زیندانیکرا.

لە دۆسیەیەکی جیادا کە لە لایەن کۆمەڵەی راگەیاندن و لێکۆڵینەوەی یاسایی کاری لەسەرکراوە، مەدین بە تۆمەتی سوکایەتیکردن بە سەرۆککۆماری تورکیا سزای 11 مانگ و 20 ڕۆژ زیندانی بەسەردا سەپێندرا.

دوای تەواوکردنی ڕێکارە کارگێڕییەکان، مەدین ڕۆژی هەینی لە تورکیا ئازادکرا، بەڵام هەندێک رێوشوێنی یاسایی ماوە بەرامبەری بگیرێتبەر و بڕیارە لە 20ـی ئەیلولی 2025 دانیشتنێکی پەیوەندیدار بە دۆسەی تیرۆر بەڕێوەبچێت.