وەزارەتی خوێندنی
باڵای حکومەتی تاڵیبان رایگەیاندوە، لە بەشەکانی شەریعەت و لە زانکۆکانی ئەفغانستان
لە کۆبونەوەیەکدا لە زانکۆی قەندەهار زیاتر لە 2500 مامۆستای زانکۆ بەیعەتیان بە مەلا هەیبەتوڵڵا ڕێبەری
تاڵیبان دا و ڕێبەری تاڵیبانیش داوای لێکردون وەک مامۆستایانی زانکۆ دەبێت بەرەنگاری "شەڕی پڕوپاگەندە" ببنەوە .
هەواڵ: KNNC
ئەمڕۆ
سێشەممە، لە ویلایەتی قەندەهار کۆبونەوەیەکی چوار ڕۆژە بە ناونیشانی "فێرکردن، بەها و کاریگەریی تەوەرە
کولتورییە ئیسلامییەکان" کە بە ئامادەبونی رابەری تاڵیبان و سەرجەم مامۆستایانی فاکەڵتی شەریعەتی زانکۆکانی
ئەفغانستان بەرێوەچو.
نەدا محەمەد نەدیم، وەزیری خوێندنی باڵای تاڵیبان، کە لە کۆبونەوەکەدا بەشداری کردوە، سوپاسی مامۆستایانی زانکۆی کرد کە بەیعەتیان بە سەرۆکی تاڵیبان داوە و دەڵێت: بەیعەت
بە واتای ڕادەستکردنی گیان و موڵک و ماڵی مرۆڤ بە سەرکردەی موسڵمانان دێت.
هەروەها وەزارەتی
خوێندنی باڵای تاڵیبان فایلێکی دەنگی بڵاوکردوەتەوە کە تێیدا وتارێکی ڕێبەری
تاڵیبانە و کۆبونەوەکە بە "بەهێزکردنی ئیمان و ئایین" وەسف
دەکات.
لە وتارەکەیدا
دەڵێت؛ کافرەکان لە شەڕی سەربازی ئەفغانستاندا شکستیان هێنا و ئێستا شەڕی پڕوپاگەندەیان
دەستپێکردوە و داوای لە مامۆستایانی زانکۆش
کردوە بەرەنگاری "شەڕی پڕوپاگەندە" ببنەوە و بۆ ئەو مەبەستە تێبکۆشن و شەڕ بکەن.
222 جار خوێندراوەتەوە