هێلیکۆپتەرێک لە نیمچەدورگەیەکى روسیا بە 22 سەرنشینەوە تێکشکاوە و تا ئێستاش چارەنوسى پێنج سەرنشین یەکلا نەکراوەتەوە.

هەواڵ:KNNC

ئاژانسى هەواڵى تاس،ى روسیی بڵاویکردوەتەوە؛ لە نیمچەدورگەى کامچاتکا هێلیکۆپتەرێک بە 22 سەرنشینەوە کەوتوەتە خوارەوە و تا ئێستاش تەرمیی 17 سەرنشینیان دۆزیوەتەوە و تا ئێستاش هیچ کەسێک لەو روداوە رزگارى نەبوە.

وەزارەتى فریاکەوتنى روسیی لەوبارەیەوە ئەوەى ئاشکرا کردوە کە تیمەکانى فریاکەوتن دەستیان بە گەڕانەکانیان کردوە و لە هەوڵدان بۆ دۆزینەوە و دیاریکردنى چارەنوسى پێنج سەرنشینە بێسوروشوێن بوەکە، بەڵام بەپێی زانیارییەکانى بڵاویانکردوەتەوە هیچ سەرنشینێک رزگارى نەبوە.

فڕۆکەکە لە جۆرى هێلیکۆپتەرى (مى-8تى)یە، لەگەڵ ئەوەى لە هەفتەى رابردوەوە نیمچەدورگەى کامچاتکا روبەڕوى زریانێکى بەهێز بوەتەوە، بەڵام تا ئێستا هۆکارى تێکشکانى ئەم فڕۆکەیە یەکلایی نەبوەتەوە.


ئەمە یەکەم روداو نییە لەم دورگەیە روبدات، پێشتر و لە ئۆگەستى ساڵى 2021 فڕۆکەیەک بە 16 سەرنشینەوە تێکشکا و بەهۆیەوە هەشت سەرنشینیان گیانیان لەدەستدا، لە هەمان ساڵیشدا فڕۆکەیەکى دیکە بە 28 سەرنشینەوە تێکشکا و سەرجەمیان گیانیان لەدەستدا.