پارێزگاری سلێمانی رایگەیاند، لە مێژوی حکومڕانی هەرێمی کوردستان لامەرکەزی جێبەجێدەکرێت و ئەوەش رۆڵێکی گەورەی لە ئاوەدانی و بوژانەوەی شار و شارۆچکەکان دەبێت.

هەواڵ:KNNC

د. هەڤاڵ ئەبوبکر پارێزگاری سلێمانی لە کۆنگرەیەکی رۆژنامەوانیدا رایگەیاند، بۆ یه‌كه‌مجاره‌ له‌ مێژوی حكومه‌تی هه‌رێمی كوردستان، ئه‌و داواكارییانه‌ی له‌ سنوری پارێزگاکانی سلێمانی و هه‌ڵه‌بجه‌ كه‌ ئاراسته‌ حكومه‌ت كراون، له‌ ئاستی به‌ڵیندا نه‌مێننه‌وه‌، به‌ڵكو به‌ كردار وه‌ڵام ده‌درێنه‌وه‌ و بڕیاریان بۆ ده‌ربچێت و پرۆژه‌كه‌یان بۆ سنوره‌كانی هه‌ردوو پارێزگا بكه‌وێته‌ جێبه‌جێكردنه‌وه‌.

وتیشی: ئه‌مڕۆ به‌ بڕیار ده‌سه‌ڵاتی كارگێڕی و دارایی بۆ پارێزگا و ئیداره‌ سه‌ربه‌خۆكانی سنوره‌كانی سلێمانی و هه‌ڵه‌بجه‌ دابه‌زێندرا، كه‌ ئه‌مه‌ش هه‌نگاوێكی گرنگ ده‌بێت و هۆكاره‌ بۆ پێشكه‌وتنی كار و ئه‌ركی حكومه‌ته‌ خۆجێییه‌كان.

راشیگەیاند، خزمه‌تگوزارییه‌كان كاریگه‌رییان له‌سه‌ر ئه‌دای ئه‌ركی حکومەتە خۆجێییەکانی سلێمانی، هه‌ڵه‌بجه‌ و ئیداره‌ی سه‌ربه‌خۆی گه‌رمیان و خه‌ڵكی ناوچه‌ ده‌بێت و ده‌بێته‌ هۆی پێشكه‌وتنی ئاستی خزمه‌تگوزاری و جێبه‌جێكردنی داواكارییه‌كانی خه‌ڵك.