تەنها شێوازی ژیان و خواردن و خواردنەوە کاریگەری نییە لەسەر تەمەن درێژی، بەڵکو نوێترین توێژینەوەکان دەڵێن: پەیوەندییەکی قوڵی هاوڕێیەتیش کاریگەری لەسەر تەندروستییەکی باش و تەمەن درێژی هەیە.

تەندروستی:KNNC

بەپێی ئامارێکی رێکخراوی تەندروستی جیهانی، ئەو کەسانەی کە هیچ پەیوەندییەکی کۆمەڵایەتییان نییە، رەنگە دوچاری مردنی پێشوەختە ببەنەوە، هەروەها هەستکردن بە تەنیایی دەبێتەهۆی چەندین کێشەی تەندروستی دەرونی وەک دڵەڕاوکێ و خەمۆکی، هەروەها، توشبون بە نەخۆشییەکانی دڵ و خوێنبەرەکان و جەڵتەی مێشکیش زیاد دەکات.

لەبەرامبەریشدا پەیوەندییەکی قوڵی هاوڕێیەتی دەتوانێت ببێتەهۆی خۆشگوزەرانی و جێگیرکردنی لایەنی دەرونی.

لە کتێبەکەیدا بەناوی "یاساکانی پەیوەندی"دا، نوسەر و ڕۆژنامەنووسی(BBC) دەیڤید ڕۆبسۆن، دەڵێت: ئەو کەسانەی چێژ لە پەیوەندییە کۆمەڵایەتییە قوڵەکان وەردەگرن، تەندروستییەکی باشتر هەیە بەراورد بەو کەسانەی هەست بە گۆشەگیری و تەنیایی دەکەن.

هاوڕێیەتی دەتوانێت ڕۆڵێکی گەورە بگێڕێت لە کاریگەریکردن لەسەر لایەنە جیاوازەکانی خۆشگوزەرانی، بەجۆرێک کاریگەری دەبێت لەسەر بەهێزکردنی سیستمی بەرگری و باشترکردنی تەندروستی دڵ و خوێنبەرەکان، کە هەموو ئەوانە پەیوەندییان بە تەمەن درێژییەوە هەیە.

چۆن پەیوەندییە مانادارەکان دەتوانن تەندروستی گشتیمان بەرز بکەنەوە؟

هەبوونی پەیوەندی و هاوڕێیەتی مانادار کاریگەری قوڵی لەسەر هەموو لایەنەکانی ژیان هەیە، لە خۆشگوزەرانی سۆزدارییەوە تا سەرکەوتنی پیشەیی. پەیوەندییە بەهێزەکان پاڵپشتی سۆزداری دابین دەکەن، تەندروستی دەروونی بەرز دەکەنەوە و هەستکردن بە سەربەخۆیی دروست دەکەن، کە هەموو ئەمانە بەشدارن لە بەختەوەری گشتی و ڕەزامەندی ژیان.

سەرچاوە/Health shots