ئەندامێكی
خولی پێنجەمی پەرلەمانی كوردستان رایدەگەیەنێت: بەهۆی ناڕونی لە ژمارەی هێزی
پێشەرگەی كوردستانەوە كێشەی موچە لە ساڵی (2003)ـوە سەری هەڵداوە و دەشڵێت: پارتی
و یەكێتی هێز بەرامبەر بە یەكتری گەورە دەكەن و بۆ بەرژەوەندی كەسی و حزبی
بەكاریان دەهێنن ئەوەش مەترسیی بۆ هەر هەرێم زیاتر دەكات هەروەها ئاشكرایدەكات،
هاوپەیمانان بەردەوامن لە پێشكەشكردنی هاوكاری بە هێزی پێشمەگە.
هەواڵ: (KNNC)
رزگار
حەمە نەگڕەیی، ئەندامی خولی پێنجەمی پەرلەمانی كوردستان بە (KNN)ـی
راگەیاند: دروستبونی كێشەی موچەكانی هێزی پێشمەرگە نوێ نوێیە و مێژوەكەی بۆ دوای
پڕۆسەی ئازادكردنی عێراق و پێكهێنانی حكومەتی ئەو كاتە دەگەڕێتەوە، بەدیاریكراوی
كێشەكە لەسەر ناڕونی ژمارەی هێزی پێشمەرگەوە سەریهەڵداوە، وەزارەتی بەرگری بەغداد
تێبینی لەسەر ئەو ژمارە هەیە، باجەكەشی پێشمەگە دەیدات و تائێستا نەتوانراوە
لێكتێگەیشتن بێتە ئاراوە.
لەسەر رێكنەخستنەوەی لیستی موچەی هێزی پێشمەرگە و ناوخۆ وتیشی:
ئەگەر بتوانرایە یاسای چاكسازی ژمارە (دو)ـی ساڵی (2020) كەلە خولی پێنجەمی
پەرلەمانی كوردستان دەرچوێندراوە جێبەجێ بكریت، ئەو كێشە و گیروگرفتانەی كە ئێستا
هەیە چارەسەردەكرا، بەپێی یاساكە لیستی موچە رێكدەخستەوە و وەزارەتەكانی پێشمەگە و
ناوخۆ روبەڕوی ئەم كێشانە نەدەبوەنەوە.
سەبارەت بە كێشەی یەكنەخستنەوەی هێزی پێشمەرگە رونیكردەوە، لە
خولی پێنجەمی پەرلەمانی كوردستان و خولەكانی پێشوتریشدا، هەوڵ دراوە كە هێزی
پێشمەرگە یەكبخرێنەوە، بەڵام بەهۆی نەبونی متمانە لەنێوان پارتی و یەكێتیدا
نەتوانراوە بەباشی پڕۆسەكە بچێتە بورای جێبەجێ كردنەوە.
ئەندامەكەی پشوی پەرلەمانی كوردستان ئاماژەی بۆ ئەوەشكرد، لەبری
ئەوەی هێزەكانی پێشمەرگە یەكبخەنەوە و ئامانجیان خۆئامادەكرن بێت بۆ هەر ئەگەرێك و
مەترسییەكی نەخوازراو كە روبەڕوی هەرێمی كوردستان ببێتەوە، پارتی و یەكێتی هێز
بەرامبەر بە یەكتری گەورە دەكەن و بۆ بەرژەوەندی كەسی و حزبی بەكاریاندەهێنن، كە
ئەوەش مەترسییەكانی سەر هەرێمی كوردستان زیاتر دەكات.
رزگار حەمە نەگرەیی، ئەندامی خولی پێنجەمی پەرلەمانی كوردستان
راشیگەیاند: سەرباری ناردنی لیستی موچە بۆ بەغداد، بەڵام هەتا ئێستا هاوپەیمانان
هاوكاری پێشمەرگە دەكەن، بەردەوامن لە پێدانی مەشق و دابینكردنی
پێداویستییەكانیانی دیكە.
153 جار خوێندراوەتەوە