ریفراندۆمی روسیا بۆ لکاندنی چوار ناوچەی ئۆکرانیا دەستیپێکرد

KNN : Kurdish News Network
03:49 - 23/09/2022
جیهان

ئاژانسی رۆیتەرز بڵاویکردەوە، روسیا دەستی بە ریفراندۆم کردوە لە چوار ناوچەی ئۆکرانیا و وڵاتانی رۆژئاواش ئیدانەی ئەو جوڵەیەی مۆسکۆ دەکەن.

ئەمڕۆ هەیینی، حکومەتی روسیا دەستی بە ریفراندمێك لە چەند ناوچەیەکی ئۆکرانیا کرد بۆ ئەوەی بە خاکی وڵاتەکەیە بلکێنێت و وڵاتانی خۆرئاواش هەڕەشەی سەپاندنی سزای زیاتر بە مۆسکۆدا دەکەن.

ریفراندۆمەکە لە شارەکانی لۆهانسك و دۆنێتسك و خێرسۆن و زابۆرۆژیا دەگرێتەوە کە زیاتر لە حەوت مانگە مۆسکۆ کۆنتڕۆڵی ئەو ناوچانەی کردوە لە ئەمڕۆ هەیینیەوە دەستیپێکردوە تا سێشەممەی داهاتو.

سێرهی گەیدای، پارێزگاری لۆهانسك رایگەیاند: سوپای روسیا ناهێڵێت دانیشتوانی شارەکە بڕۆنە دەرەوە تا کۆتایی هاتنی ریفراندۆمە و هەڵدەکوتنە سەر ماڵەکان و دەیان نێرن بۆ دەنگدان.

ڤلادیمیر پۆتین، سەرۆکی روسیا چوارشەممەی رابردو رایگەیاند: جوڵە بە هێزی سەربازی وڵاتەکەی دەکات و 300 هەزار سەرباز رەوانەی ئۆکرانیا دەکات و ریفراندۆم لەو چوار شارەدا ئەنجام دەدات.

109 جار خوێندراوەتەوە