فەرمانگەى میدیا و زانیارى حکومەتى هەرێم ئاشکراى دەکات، بەهۆى فرۆشتنى بەنزینى کوالێتى نزم، 274 بەنزینحانە لە هەرێمى کوردستان سزادراون.

فەرمانگەکە رایگەیاندووە، 167 بەنزینخانە لە هەولێر و 58 بەنزینخانە لە سلێمانى و 49 بەنزینخانە لە دهۆک، لەماوەى شەش مانگى رابردودا بەهۆى فرۆشتنى بەنزینى کوالێتى نزم سزادراون.

ئەوەشى خستۆتەڕو کە سزای هەر بەنزینخانەیەکی لە نێوان 500 هەزار دینار بۆ دوو ملیۆن دینار بووە و کۆی گشتی سزای بەنزینخانەکانیش بە 300 ملیۆن دینار سزادراون، تەواوی ئەو پارەیە گەڕاوەتەوە خەزێنەی حکومەت.

جەختیش دەکاتەوە، ئەو بەنزینخانانەش بە داخراوی دەمێننەوە تاوەکو کوالیتی بەنزینەکەیان چاک دەکەن و بەردەوامیش لە ژێر چاودێریدا دەبن.