خۆڵبارین کەی تەواو دەبێت؟

KNN : Kurdish News Network
11:47 - 05/07/2022
کوردستان

کەشناسی عێراق رایدەگەیەنێت، سبەینێ چوارشەممە شەپۆلێکی دیکەی خۆڵبارین ناوچەکانی ناوەڕاست و باشوری عێراق دەگرێتەوە و مەودای بینین بۆ سێ کیلۆمەتر کەم دەبێتەوە.

دەستەی کەشناسی عێراق بڵاویکردەوە، شەپۆلی خۆڵبارینەکە لە رۆژی هەینی لە ناوچەکانی ناوەڕاست چڕدەبێتەوە و مەودای بینین بۆ یەک کیلۆمەتر کەم دەبێتەوە.

 هەروەها ڕۆژی هەینی لەگەڵ خۆڵبارینەکەدا پلەکانی گەرما بەشێوەیەکی بەرچاو دادەبەزن، بەڵام ڕۆژی شەممە خۆڵبارین کۆتایی دێت و پلەکانی گەرماش بەرزدەبنەوە.

کەشناسیی عێراق دەڵێت، شەپۆلی خۆڵبارینی ئەمجارە ناوچەکانی هەرێمی کوردستان ناگرێتەوە.

412 جار خوێندراوەتەوە