فراکسیۆنی گۆڕان لە ئەنجومەنی پارێزگای سلێمانی: پشتیوانی خوێندکارانی زانکۆ و پەیمانگاکانین

KNN : Kurdish News Network
03:17 - 24/11/2021
کوردستان

فراکسیۆنی گۆڕان لە ئەنجومەنی پارێزگای سلێمانی پشتیوانی خۆپیشاندانی مەدەنیانەی خوێندکارانی زانکۆ و پەیماگاکان دەکات و جەختیشدەکاتەوە کە دژى هەموو جۆرە توندوتیژییەکن کە لەلایەن چەند کە دەرهەق بە خۆپیشاندەران ئەنجامدراوە.

 

فراکسیۆنی گۆڕان لە ئەنجومەنی پارێزگای سلێمانی لە بەیاننامەیەکدا رایگەیاندوە، پشتگیری و پشتیوانی خۆپیشاندانی مەدەنیانەی خوێندکارانی زانکۆ و پەیماگاکانین و خۆپیشاندان بەمافێکی یاسای و ئاسایی و ڕەوای خوێندکاران دەزانین و دەبینین و داوادەکەین کە زۆر بەزوویی حکومەت ماف بگێڕێتەوە بۆ خاوەن ماف و هەرچی زووە دەستبکەن بە خەرجکردن و پێدانی دەرماڵەی یاسایی بە خوێندکاران  و خزمەتگوزاری بۆ بەشەناوخۆییەکان دابین بکەن لە زانکۆ و پەیمانگاکان.

 

فراکسیۆنی گۆڕان لە ئەنجومەنی پارێزگای سلێمانی جەخت دەکاتەوە کە دژی هەموو جۆرە توندو تیژی و بەرهەڵستێکی ناڕەوان کە لەلایەن چەند کەسێکی ناو هێزەکانی ناوخۆوە دەرهەق بە خۆپیشاندەران ئەنجامدرا.

 

داواش لە ئاسایش و پۆلیس و پۆلیسی چالاکە مەدەنییەکان دەکەن کە مامەڵەیەکی دروست و ئاسایی و یاسایانە لەگەڵ خۆپیشاندەران بکەن، لە هەمان کاتدا داوا لە خوێندکارانی خۆپیشاندەریش دەکات نەهێڵن ئاراستەی خۆپیشاندانەکە بەهیچ لاڕێیەکی نادروستدا بڕوات و ڕێگەنەدەن ئاراستەی خۆپیشاندان بۆهیچ مەرامێکی تایبەت بەکاربێت.

262 جار خوێندراوەتەوە