عێراق سەرجەم سنورەکانی بەڕوی جیهاندا دادەخات

KNN : Kurdish News Network
08:49 - 30/09/2021
عێراق

بۆماوەی دوو رۆژ سەرجەم سنورە ئاویی و وشکانی و ئاسمانییەکانی بەڕووی جیهاندا دادەخات.

 

لە راگەیەنراوێکی لیژنه‌ی باڵای ئه‌منی، تایبه‌ت به‌ هه‌ڵبژاردنی پێشوه‌خته‌  له‌ عێراقدا هاتووە، " بڕیاردرا لە 9ی ئۆکتۆبەر بۆ ماوه‌ی دوو رۆژ، ته‌واوی ده‌روازه‌ وشكانی، ئاوی و ئاسمانییەکانی به‌ رووی جیهاندا دابخرێن، هەروەها هاتوچۆی فڕۆكه‌ی بێفڕۆكه‌وان و هاتوچۆی نێوان پارێزگاكانیش قەدەغە دەکرێت".

 

 

ئاماژە بەوەشکراوە، ئەو بڕیارە بۆ باشتر به‌ڕێوه‌چوون و پاراستنی ئاسایشی هه‌ڵبژاردنی پێشوەختەکەی عێراقە.

 

 

بڕیارە دەنگدانی تایبەت بۆ هەڵبژاردنی ئەنجومەنی نوێنەرانی عێراق لە هەشتی ئۆکتۆبەر و دەنگدانی گشتی لە 10ی ئۆکتۆبەر بەڕێوەبچێت.

5314 جار خوێندراوەتەوە