ئالان حەمە سەعید وەزیری پەروەردەی حکومەتی هەرێم لە لێدوانێکی رۆژنامەوانیدا رایگەیاند، "سبەی ده‌رگای‌ باخچه‌ی منداڵان و قوتابخانه‌ بنه‌ڕه‌تییه‌كان و خوێندنی ئاماده‌ییه‌كان و په‌یمانگه‌كان لە هەرێمی کوردستان دەکرێنەوە".

 
سەبارەت بە به‌ خوێندنی له‌ ده‌ستچوو وەزیری پەروەردە رایگەیاند، "ئێمه‌ ماوه‌یه‌كمان داناوه‌ بۆ قه‌ره‌بوكردنه‌وه‌، قۆناغی دوو تاكو شه‌ش هه‌روه‌ها قۆناغی هه‌شت و نۆی بنه‌ڕه‌تی له‌گه‌ڵ قۆناغی یانزه‌ی ئاماده‌یی ماوه‌ی سێ هه‌فته‌یان بۆ دانراوه‌ له‌گه‌ڵ ده‌ستپێكی ده‌وام، به‌ڕێوه‌به‌رایه‌تی گشتی پڕۆگرامه‌كان ئه‌و قۆناغانه‌ی دیاریی كردووه‌ و ئه‌و به‌شه‌ وانانه‌شی دیاریی كراون،‌ پێویسته‌ له‌ ماوه‌ی ئه‌و سێ هه‌فته‌یه‌دا بدرێته‌ قوتابیان".

وتیشی، "پێویسته‌ مامۆستایان‌ ڤاكسین وه‌ربگرن بۆ ئه‌وه‌ی پارێزراو بن، بۆ ئه‌وه‌ی بتوانین ساڵێكی باش و سه‌قامگیر به‌ڕێ بكه‌ین، چونكه‌ له‌ ساڵی خوێندنی ڕابردوش مه‌به‌ستمان بووه‌ پارێزگاریی له‌ مامۆستایان و قوتابیان و خوێندكاران بکەین، له‌گه‌ڵ ئه‌وه‌شدا هۆكاره‌كانی دیكه‌ی خۆپارێزی وه‌كو به‌ستنی ماسك له‌ ناوه‌نده‌كانی خوێندن دا ئیلزامییه‌ و پێویسته‌ جێبه‌جێ بكرێت".