قەڵادزێ؛ فڕۆکەیەکى تورکیا بۆردومانى گوندى کانیلانى کرد و زیانى گیانى لێکەوتۆتەوە

KNN : Kurdish News Network
01:39 - 13/06/2021
کوردستان

کەمێک پێش ئێستا، فڕۆکەیەکى تورکیا بۆردومانى گوندى کانیلانى نزیک قەڵادزەى کرد و ئۆتۆمبێلێکى گەریلاکانى (پەکەکە)ى پێکا.

سەرچاوەیەکى بەرپرس لە سنورى قەزاى پشدەر بە دیجیتاڵ میدیاى(KNN)ى راگەیاند: کاتژمێر (01:00)ى دوانیوەڕۆى ئەمڕۆ، فڕۆکەیەکى تورکیا لە نزیک گوندى کانیلان ئۆتۆمبێلێکى جۆرى (تیۆتا هایلۆکس)ى پێکا.

ئەو سەرچاوەیە وتیشى: ئۆتۆمبێلەکە (چوار) گەریلاى (پەکەکە)ى تێدابووە و سەرجەمیان گیانیانلەدەستداوە.

وتیشى: لەئێستادا تیمەکانى بەرگرى شارستانى بۆ کوژانەوەى ئۆتۆمبێلەکە لە شوێنى روداوەکەن.

گوندى کانیلان دەکەوێتە بەشى رۆژهەڵاتى شارى قەڵادزێ و حەوت کیلۆمەتر لە سەنتەرى قەڵادزێوە دورە و هاوسێى هەردوو گوندى گیرە و دێگەیە.

 

1802 جار خوێندراوەتەوە