کەشناسى هەرێم لیستى رێژەى باران بارینى (12) کاتژمێرى رابردووى بڵاوکردەوە، بەپێى ئەولیستەش لەسەنتەرى پارێزگاى سلێمانى زۆرترین رێژەى باران باریوە، لە دهۆکیش کەمترین رێژەى باران بارین تۆمارکراوە و لە چەند ناوچەیەکیش باران بارین تۆمار نەکراوە.

بەپێى ئەو لیستەى کە بەرێوەبەرایەتى کەشناسى و بومەلەرزەزانى هەرێم بڵاویکردەوە، لە سەنتەرى پارێزگاى سلێمانى (40.5) ملیمەتر و لە سەنتەرى پارێزگاى هەولێر (11.1) میلمەتر و لە دهۆک (0.5) و لەکەرکوک (10.2) لە هەڵەبجەش (5.8) ملیمەتر باران بارین تۆمارکراوە .

هەر بەپێى ئەولیستەى کە بەڕێوەبەرایەتى کەشناسى و بومەلەرزە زانى هەرێم بڵاویکردوەتەوە، لە قەزا و ناحیەکانیش بەرێژەى جیاواز باران بارین تۆمارکراوە، بەڵام لە قەزاکانى کەلار و خانەقین و دوزخورماتو باران بارین تۆمارنەکراوە.