وەزارەتی تەندروستی ڕاگەیەندراوێکی لەسەر دەرمانی چارەسەری کۆرۆنا لە هەولێر بڵاوکردەوە

10:19 - 08/07/2020
کوردستان

وەزارەتی تەندروستی حکومەتی هەرێم ڕایگەیاند،پێشوازی لە بەرهەمهێنانی دەرمانی  (Favipiravir) دەکەین کەلەلایەن کۆمپانیایەکی خۆماڵیەوە لە هەولێر بەرهەمهاتووە.

وەزارەتی تەندروستی لە ڕاگەیەندراوێکدا ئاماژەی بەوەکردوە ئەو دەرمانە لە هەندێک وڵاتی وەک ژاپۆن و روسیا بەکاردێت و لە ڕینماییەکانی چارەسەری لە عێراق و هەرێمیش وەک یەکێک لە دەرمانەکان دادەنرێت.

وەزارەتی تەندروستی ئاماژەی بەوەشکردوە ئەو دەرمانە بۆ کەمکردنەوەی ئاستی توندی نەخۆشیەکە و نیشانەکانی و کەمکردنەوەی مردن بەکاردێت.

وەزارەتی تەندروستی حکومەتی هەرێم داواشیکردوە هاوڵاتیان خۆیان بپارێزن و دوربن لە ترسانکی ئەم کۆرۆنا چونکە خۆپاراستن باشترین چارسەری نەخۆشیەکەیە.

ئەوە لەکاتێکدایە لە چەند رۆژی ڕابردوودا کۆمپانیایەکی خۆماڵی لە شاری هەولێر بەرهەمهێنانی ئەو جۆرە دەرمانەی ڕاگەیاند.


3612 جار خوێندراوەتەوە