پۆلیسی سلێمانی: چەند کەسێک دەستگیرکران كە هەڵیانكوتابووە سەر یانەیەكی شەوانە

10:23 - 13/02/2020
کوردستان

پۆلیسی سلێمانی رایگەیاند، چوار تۆمەتباریان لە سەرچنار دەستگیركردووە، كە هەڵیانكوتابووە سەر یانەیەكی شەوانە و دەستدرێژییان كردبووە سەر چەند كەسێك.

بەڕێوەبەرایەتی پۆلیسی پارێزگای سلێمانی ئاماژەی بەوە کردووە، دوای ئەوەی چوار تۆمەتبار هەڵیانكوتاوەتە سەر یانەیەكی شەوانە لە سەرچنار، دەستدرێژییان كردووەتە سەر چەند كەسێك‌ و تەقەشیان كردووە، هێزەکانیان گەیستوونەتە شوێنی رووداوەکە و تۆمەتبارەکانیان دەستگیرکردووە.

 لە راگەیەندراوەکەی پۆلیسی سلێمانیدا هاتووە، تۆمەتبارەکان ئۆتۆمبێلێكی جام ڕەشیان پێبووە و لەلایەن هێزەکانیانەوە چەند قەوانێك لەشوێنی ڕوداوەكە كۆكراوەتەوە .


2826 جار خوێندراوەتەوە