لەسەر سکاڵای ئیتاڵیا پۆلیسی جەزائیر کەڵەشێرێکی دەستگیرکرد

02:39 - 10/02/2020
هەمەڕەنگ

کەسێک لە باڵیۆزخانەی ئیتاڵیا لە جەزائیری پایتەختی جەزائیر، سکاڵای لە سەر کەڵەشێرێک تۆمارکردوە و دەڵێت کەڵەشێرەکە بەدەنگی بێزارمی کردوە.

 

دواتر تیمێکی پۆلیس کەڵەشێرەکەیان دەستگیرکردوە و خاوەنی کەڵەشێرەکەش دەڵێت پێشتر هیچ ئاگادارکردنەوەیەکم بۆ نەهاتووە سەبارەت بە دەنگی کەڵەشێرەکە.

 

لە گرتەیەکی ڤیدیۆیدا خاوەنی کەڵەشێرەکە دەڵێت کەڵەشێرەکەم خاوەنی حەوت جوجکەیە و نازانم پۆلیس بۆ کوێیان بردوە.

 

هاوکات هاوڵاتیانی جەزائیر لە تۆڕە کۆمەڵایەتیەکان هاشتاگێکیان بۆ پشتگیری کەڵەشێرەکە راگەیاندوە و دەڵێن دەبێت ئازادبکرێت.

2486 جار خوێندراوەتەوە