ئێوارەی ئەمڕۆ، وەزیری دەرەوەی قەتەر دوای جێهێشتنی بەغدا سەردانی هەولێری کرد.

شێخ محەمەد عەبدولڕەحمانی دووەم، جێگری سەرۆکوەزیران و وەزیری دەرەوەی قەتەر، گەیشتە شاری هەولێر و بڕیارە لەگەڵ بەرپرسانی باڵای هەرێمدا کۆببێتەوە.

لە سەردانەکەدا وەزیری دەرەوەی قەتەر، لەگەڵ مەسرور بارزانی سەرۆکی حکومەتی هەرێم و نێچیرڤان بارزانی سەرۆکی هەرێمی کوردستان کۆدەبێتەوە.

پێش هەولێر، وەزیری دەرەوەی قەتەر سەردانی بەغدای کرد و لەگەڵ بەرپرسانی عێراقدا کۆبووەوە.

محەمەد عەبدولڕەحمانی دووەم پێش هاتنە بەغداش، سەردانی تارانی کرد و چەند دانیشتنێکی لەگەڵ بەرپرسانی ئەو وڵاتەدا ئەنجامدابوو.