لە ماوەی 12 ڕۆژدا چل و دوو هەزار کۆچبەر خۆیان گەیاندۆتە یۆنان

04:46 - 15/01/2020
کوردستان

دەزگای لوتکە بڵاویکردۆتەوە، تەنیا لە ماوەی 12 ڕۆژدا چل و دوو هەزار کۆچبەر لەرێگەی کەناراوەکانی تورکیاوە خۆیان گەیاندۆتە یۆنان.

 

دەزگای لوتکە بۆ کاروباری پەنابەران بڵاویکردۆتەوە، لەڕیکەوتی (1-1 تا 12-1-2020) ژمارەی ئەو کەسانەی خۆیان گەیاندۆتە یۆنان چل و دوو هەزارو یەک کۆچبەر بووە.


ئاماژەی بۆ ئەوەشکردووە، 129 بەلەم کە هەڵگری سێ هەزار و 609 کۆچبەربوون، هەولیانداوە لە کەناراوەکانی تورکیا خۆیان بگەیەننە دورگەکانی یۆنان ، بەڵام پۆلیسی تورکیا توانیویەتی 95 بەلەم بوەستێنێ و 34 بەلەمیش کە هەزار و 342 کۆچبەریان تێدابووە گەیشتونەتە یۆنان.


ئەوەش لەکاتێکدایە، ڕۆژی 11 ی ئەم مانگە بەلەمێکی کۆچبەران بە 50 سەرنشینەوە ژێر ئاو کەوتو بە هۆیەوە ژمارەیەک کۆچبەر گیانیان لەدەستدا و ژمارەیەکیشیان بێسەروشوێنن، بەپێی دواین ئاماریش 17 لەو کۆچبەرانە هاوڵاتی هەرێمی کوردستانن.

808 جار خوێندراوەتەوە