ڤیدیۆ..شوێنى بۆردومانه‌كه‌ى فڕۆكه‌كانى توركیا له‌ شنگال

02:25 - 15/01/2020
کوردستان

به‌هۆى بۆردومانه‌كانى فڕۆكه‌كانى توركیاوه‌ فه‌رمانده‌ى گشتى هێزه‌كانى یه‌كینه‌كانى به‌رخۆدانى شه‌نگال (یه‌به‌شه‌) و چوار شه‌ڕڤان و هاوڵاتیه‌كى مه‌ده‌نیش شه‌هید بوون.

 

سه‌رچاوه‌یه‌ك له‌ قه‌زاى شنگال به‌دیجیتاڵ میدیایى KNN ڕاگه‌یاند، لە بۆردوومانەکەدا زەردەشت شنگالی،  فه‌رمانده‌ى گشتى هێزه‌كانى یه‌كینه‌كانى به‌رخۆدانى شه‌نگال (یه‌به‌شه‌) و چوار شه‌ڕڤان و هاوڵاتیه‌كى مه‌ده‌نیش شه‌هید بوون.

 
وتیشى، فڕۆکە جەنگییەکانی تورکیا باره‌گاكانى یه‌به‌شه‌یان بۆردوومان كردوه‌ له‌ سنورى قه‌زاكه‌ ئۆتۆمبێلێکی شه‌ڕڤانه‌كانیان بۆردوومانکردووە و بە تەواوی سووتاوە. 

ساڵی رابردوو فڕۆکە جەنگییەکانی تورکیا سێجار بۆردوومانی بنکە و بارەگاکانی یەبەشەیان لە سنووری شنگال کردووە و بەهۆی بۆردوومانەکە ترس و دڵەڕاوکێ لای هاوڵاتیانى ناوچەکە دروستبووە.
 

جێى ئاماژه‌یه‌، فڕۆكه‌كانى توركیا ناوه‌ناوه‌، سنورى هه‌رێمى كوردستان ده‌به‌زێنن و بۆردوومانى ئه‌و ناوچانه‌ ده‌كه‌ن، كه‌ به‌هۆیانه‌وه‌ سه‌دان كه‌س شه‌هید و برینداربون و ماڵ و حاڵى هاوڵاتیان وێرانبووه‌. 

1888 جار خوێندراوەتەوە