تایبەتمەندی ئەو فڕۆکە بێ فڕۆکەوانەی سولەیمانی و موهەندیسی کوش

12:57 - 04/01/2020
جیهان

فڕۆکەی MQ-9 Reaper ئەمریکی، ئەو جۆرە فڕۆکەیە کە هێرشی کوشتنی قاسم سولەیمانی و ئەبو مەهدی موهەندیسی پێ ئەنجامدراوە.

 

فڕۆکەکە فڕۆکەیەکی هێرشبەرەو  لە مەودایەکی دوور به‌وردی ئامانجه‌كانی ده‌پێكێت و ئه‌ركی چاودێری و به‌دواداچوون و گه‌ڕان‌ و رزگاركردنی هه‌یه.

 

کاریگەرترین موشەک و چەکی فڕۆکەکە AGM-114 Hellfire و هەر بەو موشەکەش لە ئۆتۆمبیلەکانی قاسم سولەیمانی  و ئەبو مەهدی موهەندیس دراوە.

 

 ئەم فڕۆکەیە دەنگی زۆر نزمە ئەوەش یەکێکە لە تایبەتمەندییەکانی، هەروەها کێشی ٢٢٢٧ کیلۆیە و بەبەرزی ٥٠ هەزار پێ دەفڕێت.
نرخی ئەم جۆرە فڕۆکەیە ١٦ ملیۆن دۆلارە.

 

 فڕۆکەکە بێ فڕۆکەوانە و خێرایەکەی ٢٣٠ میلە لەکاتژمێرێکدا،هەروەها باڵەکانی ٦٦ پێ درێژە.

 

فڕۆکەکە لە ساڵی ٢٠٠٧ لە ئەمریکا خراوەتە خزمەتی سەربازییەوە و لە توانایدایە زۆر بە وردی ئامانجەکان بپێکێت.

 

ئەم فڕۆکەیە چەندین جار لە عێراق  و یەمەن و ئەفغانستان بەکارهاتووە.

4958 جار خوێندراوەتەوە