دوای چەند ساڵێکی زۆر لە فیلمەکەی، منداڵێک بە هەمان رووخساری باتمانەوە لەدایک بوو.
لونا فەنەر ئەو منداڵە ئەمریکییەیە نازناوی "باتمان"ی پێدراوە و
بەهۆی نەخۆشییەکی جەستەیی دەگمەنەوە، لە شێوەی ئەکتەری سەرەکی ناو فیلمی باتمان
هاتووەتە دونیاوە.
باتمان کچێکی حەوت مانگی ئەمریکییە و بە خێزانەکەی وتراوە پارەی
چارەسەرکردنی ٤٠٠ هەزار دۆلارە. دایکی باتمان بێئومێد نابێت و لە روسیا دکتۆرێک بۆ
منداڵەکەی دەدۆزێتەوە و دکتۆرەکەش موژدەی سەرکەوتنی نەشتەرگەرییەکەی پێدەدات.
باتمان پێویست بووە هەشت نەشتەرگەری بۆ بکرێت و بۆ هەر نەشتەرگەرییەکیش
داوای بڕی ٢٥ هەزار دۆلار کراوە.
دایکی باتمان بۆ بەدەستهێنانی ئەو بڕە پارەیە لە ماڵپەڕیک هەڵمەتێک
دەستپێدەکات، لەبەرئەوەی رووخساری لونا لە باتمان چووە، هەڵمەتەکە بە شێوەیەکی
خێرا بڵاودەبێتەوە و لە ماوەیەکی دیاریکراودا ٤٠ هەزار دۆلار کۆدەکرێتەوە.
لە ئێستادا یەکەم نەشتەرگەری بۆ باتمانی بچوک بە سەرکەوتوویی ئەنجامدراوە.
4839 جار خوێندراوەتەوە