کۆمپانیای پترۆڵی نیشتمانی چین لە قۆناغی ١١ی پەرەپێدانی کێڵگەی پارسی باشور لە ئێران کشایەوە.

بیژەن زەنگەنە وەزیری نەوتی ئێران رایگەیاند، پارسی باشور کێڵکەی هاوبەشی ئێران و قەتەرە و کۆمپانیای پترۆڵی نیشتمانی چین دە قۆناغی لە پەرەپێدانی کێڵگەکە تەواوکردووە و لە قۆناغی 11دا کشاوەتەوە.

وەزیری نەوتی ئێران راشیگەیاند، هەموو رێگایەک بۆ هەناردەکردنی نەوتی وڵاتەکەی دەگرێتەبەر و ئێران بەردەوام دەبێت لە هەناردەکردنی نەوت بۆ دەرەوە.

کێڵگەی پارسی باشور یەکێکە لە کێڵگە گەورەکانی گاز و هەردوو وڵاتی ئێران و قەتەر بە هاوبەشی وەبەرهێنانی تێدادەکەن و تاوەکو ئێستا دە قۆناغی کارکردن لەو کێڵگەیە تەواوکراوە.