سەرکردەیەکی ئەنەکەسە دەڵێت  لە دیمەشق لەگەڵ لایەنی قەتەڕی کۆبوونەوەتەوە و ئەوان ڕۆڵی کاریگەریان لە سوریا هەیە و ئامادەن بۆ پاڵپشتیکردنی مافەکانی کورد.


هەواڵ:KNNC

فەسڵە یوسف سەرکردە لە ئەنجومەنی نیشتیمانی کوردى سوریا-ئه‌نه‌كه‌سه‌ ڕایگەیاند: له‌كۆبونه‌وه‌یان له‌گه‌ڵ ئەحمەد شەرعی سه‌رۆكى کاتیی سوریا و ئەسعەد شەیبانی وه‌زیرى ده‌ره‌وه‌ى ئه‌و وڵاته‌، سێ داواکاری پێشکەشکران كه‌ بریتین له‌دانپێدانانی فەرمی لە دەستوری سوریا بۆ زمانی کوردی کە وەک زمانێکی فەرمی لەپاڵ زمانی عەرەبیدا و بکرێتە زمانی خوێندن، هاوكات چەسپاندنی گەلی کورد لەدەستوردا وەک پێکهاتەیەکی ڕەسەن‌ و سەرەکیی سوریا، هه‌روه‌ها کورد وەک هاوبەشێكى ڕەسەن لەهەموو دامەزراوەکانی دەوڵەتدا بەشداربن، نەک تەنها وەک بەشداربوویەکی لاوەکی.



وتیشی، سەبارەت بەبڕیاری ژمارە 13ی ئەحمەد شەرع کە تایبەتبوو بە پێدانی ناسنامە و زمانی کوردی، ئێمه‌ له‌كۆبونه‌وه‌كانماندا له‌دیمه‌شق وتومانه‌، ئەمە هەنگاوێکی باشە، بەڵام بەس نییە، دەبێت ئەم مافانە لەدەستوری نوێی سوریادا جێگیربکرێن.

سه‌ركرده‌ی ئەنەسەکە فەسڵە یوسف  باسى له‌ڕۆڵی قەتەڕ کرد لە سوریای نوێدا و وتی، له‌دیمه‌شق کۆبونەوەیان لەگەڵ لایەنی قەتەڕی کردوە و ئه‌وان ئێستا ڕۆڵێکی گرنگیان هەیە لە سەقامگیریی سوریای پاش ڕژێمی بەعس و ئەسەد، هەروەها قەتەڕ ئامادەیی خۆی بۆ پاڵپشتیکردنی مافەکانی گەلی کورد دەربڕیوە....