وەزارەتی کشتوکاڵی هەرێم رایگەیاند، بەهۆی دوایین شەپۆلی بارانبارین لە بەنداوەکانی دوکان و دەربەندیخان زیاتر لە 100 ملیۆن مەترسێجا داهاتی ئاو کۆگاکراوە.

هەواڵ: KNN

ئەمڕۆ دووشەممە   وەزارەتی کشتوکاڵ و سەرچاوەکانی ئاو بە پشت بەستن بە داتاکانی بەڕێوەبەرایەتی گشتی بەنداوو کۆگاکانی ئاو راگەیەندراوێکدا بڵاویکردەوە و ڕایگەیاند “لە دوایین شەپۆلی باران و لافاوی هەرێمی کوردستان بە رێژەیەکی باش داهاتی ئاو لە سەرچاوەکانەوە زیادیان کردووە و کۆگاکردنی ئاو لە بەنداوەکان ئاستێکی بەرزتریان تۆمارکردووە

ئاماژە بەوەشکراوە، لە ماوەی 24  کاتژمێری رابردوودا، بەکاریگەری دوایین شەپۆل لە هەردوو بەنداوی دوکان و دەربەندیخان، زیاتر لە 100 ملیۆن مەتر سێجا داهاتی ئاو کۆگاکراوە، دەربەندیخان 60  سم و دوکان 85 سم و بەنداوی دهۆک 16  سم و گۆمەسپان 60  سم ، ئاستی ئاو زیادیکردووە

ڕونیشیان کردوەتەوە، بەنداوە بچوکەکانیش لە سنووری گەرمیان، سلێمانی، هەولێر و دهۆک کە توانیان بە سەلامەتی شەپۆلی لافاوەکە تێپەڕێنن، زۆربەیان پڕبوون ئەوانی تریش زیادیان کردووە و ئاویان لێ کۆگا کراوە

جەختیشیکردەوە، کاریگەریی شەپۆلەکە رۆژانی داهاتووش بۆ زیادکردنی ئاوی بەنداوە گەورەکان بەردەوامە، هەرێمی کوردستان بە کەشێکی تەڕەوە و بوژانەوەی سەرچاوەکانی ئاو پێدەنێتە ساڵێکی نوێ.