موقتەدا سەدر هەڵمەتی کۆکردنەوەی پارەی دەستپێکرد و دەڵێت بۆ هاوکارییکردنی هەژارانە.

هەواڵ:KNNC

موقتەدا سەدر ڕێبەری ڕەوتی نیشتیمانیی شیعە لە واڵی خۆی لە تۆڕی کۆمەڵایەتی ئێکس هەڵمەتی کۆکردنەوەی پارەی ڕاگەیاند و دەڵێت ئامانجیان هاوکارییکردنی کەسانی کەمدەستە.

موقتەدا سەدر داوای دەستپێکردنی هەڵمەتی بەخشینی لە سەرتاسەری پارێزگاکانی عێراق کردوە بە ئامانجی گەیاندنی پارە بۆ ئەوانەی پێویستیان پێیەتی.

لە داواکارییەکەیدا ڕووی قسەکانی بە پلەی یەک کردوەتە دەوڵەمەند و سەرمایەدارەکان، تا هاوکاریی ئەوانەبن ئەوانەی داهاتیان سنووردارە و هەژار و کەمدەستن.

موقتەدا سەدر ئەندامانیشی ئەرکدارکردوە بەوەی کە پارەکە بە پسوڵەی فەرمی وەربگرن و بیگەیەننە لایەنە پەیوەندیدارەکان بۆ دابەشکردن بەپێی شەریعەت و بنەما مرۆییەکان، تا دڵنیابن لەوەی هاوکارییەکان دەگاتە دەستی کەسانی شایستەی داهات لاوازی کۆمەڵگە...