ڕولا مه‌رهه‌ج ، پسپۆڕی گۆڕانكارییه‌كانی‌ جیۆپۆله‌تیك  له‌رۆژهه‌ڵاتی ناوه‌ڕاست ونوسه‌ری گۆڤاری جیۆستراتیژی  مه‌رامی سه‌ردانه‌كه‌ی سه‌رۆكی سوریا بۆ واشنتۆن ئاشكرا ده‌كات.

له‌هه‌ڤپه‌یڤینێكی له‌گه‌ڵ ئاژانسی فرانس پرێس خاتوو ڕولا مه‌رهه‌ج رایگه‌یاند؛ سه‌ردانه‌كه‌ی ئه‌حمه‌د شه‌رع بۆ واشنتۆن مێژوییه‌ به‌و پێیه‌ی پێشتر پێشوازی له‌هیچ سه‌رۆكێكی سوریا نه‌كراوه‌ . له‌م سه‌ردانه‌یدا شه‌رع هه‌وڵی هه‌ڵگرتنی سزا نێوده‌وڵه‌تیه‌كانی سه‌ر سوریا ده‌دات كه‌ بوه‌ته‌ له‌مپه‌ڕ له‌به‌رده‌م سه‌رله‌نوی ئاوه‌دانكردنه‌وه‌ی ژێرخانی ئابوری وڵاته‌كه‌یان .

به‌وته‌ی مه‌رهه‌ج به‌شیكی تر له‌ئامانجی سه‌ردانه‌كه‌ی شه‌رع له‌چوارچێوه‌ی هاریكارییه‌كانی بنه‌بڕكدنی تیرۆرو به‌شداریكردنی دیمه‌شقه‌ له‌هاوپه‌یمانێتی دژی به‌داعش.

وه‌ك ئه‌و ژنه‌ پسپۆڕه‌ ده‌ڵێت " هه‌رچی داواكاری و مه‌رجی ئه‌مریكا كه‌ ئاراسته‌ی سه‌رۆكی كاتیی سوریا ده‌كرێت خۆی له‌چه‌ند خاڵێكدا ده‌بینێته‌وه‌ له‌وانه‌ به‌شداریكردنی سوریا له‌رێككه‌وتننامه‌كانی ئه‌براهام ، ده‌ركردنی گروپه‌ بیانییه‌ تیرۆریسته‌كان (له‌نێوشیاندا فه‌ڵه‌ستینیه‌كان)" پابه‌ند بونی دیمه‌شق به‌رێگرتن له‌سه‌رهه‌ڵدانه‌وه‌ی داعش، جێبه‌جێكردنی سیستمی فیدراڵیی سنوردار له‌لایه‌ن دیمه‌شقه‌وه‌ به‌و مه‌رجه‌ی یه‌كێتیی سوریا زامن بكات له‌گه‌ڵ زامنكردنی وه‌به‌رهێنانی وڵاتانی كه‌نداو له‌سوریا.