وابڕیارە سبەی سێشەممە پرۆسەی بەئەلیکترۆنیکردنی پسوڵەی خۆراک تا كاتژمێر 12ی شەو بەردەوام بێت و لەو وادەیە بەدواوە كۆتایی بێت.

هەواڵ: KNN

بەپێی راگەیەنراوێكی فەرمانگەی میدیا و زانیاری حكومەتی هەرێم بڵاویكردەوە، تا ئێستاش لە كۆی ژمارەی گشتیی بەشداربووانی پسوولەی خۆراک لە هەرێمی کوردستان، كە 5 ملیۆن و 385 هەزار و 820 کەسە، لەو ژمارەیە 4 ملیۆن و 638 هەزار و 672 کەس فۆرمەکەیان پڕ کردۆتەوە و و تەنیا 747 هەزار و 148 کەس ماوە، کە هێشتا فۆرمەکەیان پڕ نەکردووەتەوە.

دوای 2ی ئەیلولی 2025، پرۆسەی بەئەلیکترۆنیکردنی پسوڵەی خۆراک دەبێت بە پارە و بۆ ئەو مەبەستەش هەر خێزانێک کە فۆرم پڕ بکاتەوە، بڕی 11 هەزار دیناری لێوەردەگیرێت بە ڕێگەی كارتی بانكی، ئەو پارەیە دەچێت بۆ بەغدا و تۆمار دەکرێتەوە.