‎وەزارەتی کارەبای حکومەتی هەرێمی کوردستان تاقیکردنەوەی فشاری سەر تۆڕی کارەبای نیشتمانی لەهەر سێ پارێزگای هەولێر، سلێمانی و دهۆک ئەنجامدەدات و تاقیكردنەوەكەش ناوچەکانی ناوەوە و دەرەوەی پڕۆژەی ڕووناکی دەگرێتەوە.

هەواڵ: KNN

بەپێی راگەیەنراوێكی وەزارەتەكە  تاقیکردنەوەیە ڕێکارێکی ڕۆتینیە کە بۆ تۆڕی کارەبا ئەنجام دەدرێت  بەئامانجی دیاریکردنی کێشە و خاڵە لاوازەکانی تۆڕەکانی گواستنەوە و دابەشکردنی کارەبا لە ماوەی دوو ڕۆژی تاقیکردنەوە بۆ هەر پارێزگایەک کە تییایدا هاوڵاتیان کارەبای بەردەوامییان دەبێت.

هەر لەراگەیەنراوەكەدا هاوڵاتیان لە ئەگەری پچڕانی نەخوازراوی کارەبا  لەکاتی ئەنجامدانی تاقیکردنەوەکە ئاگادار كراونەتەوە و ئاماژە بەوەشكراوە سەرەتا تاقیكردنەوەكە لەرۆژانی 1و2ی مانگی ئەیلول لەپارێزگای هەولێر ئەنجام دەدرێت.