ناوەندێكی تایبەت بەكاروباری ژینگە ئاشكرایكرد؛ توركیا عیراقی فریوداوەو ئەو بڕە ئاوەی بۆ بەرنەداوەتەوە كە پێشتر بەڵێنی بەبەغداد دابوو.

هەواڵ: KNN

روانگەی عیراقی سەوز كە تایبەتمەندە بەكاروباری ژینگە دەڵێت ؛ ئەمرۆ دوا وادەی بەردانەوەی ئاوە لەلایەن توركیاوە بۆ عێراق.

بەپێی راگەیەنراوێكی ڕوانگەی ناوبراو، توركیا پێشتر بەڵێنیدابوو كە بۆ هەردو مانگی تەموزو ئابی ئەمساڵ بڕی 400 مەتر سێجا ئاو بۆ عیراق بەربداتەوە بەڵام وەك دەركەوتووە" ئەنقەرە تەنیا بڕی 120 مەتر سێجاری لەچركەیەكدا بەرداوەتەوە و ئەوەش بەنداوەكانی بە بەتاڵی هێشتوەتەوە.

لەراگەیەنراوەكەدا جەخت كراوەتەوە كە عیراق لەقۆناغی داهاتودا بەدەست كەمی ئاوەوە گیرۆدە دەبێت و بەقۆناغێكی دژواردا تێپەڕدەبێت و بەدووریش نازانرێت لەلایەن هەندێك لەسیاسییەكانەوە ئەو پرسە بۆ مەرامی هەڵبژاردن بقۆزرێتەوە.