دادگای باڵای
فیدراڵیی عێراق سكاڵایەكی لەدژی سەرۆكی پەرلەمان رەتكردەوە كە تایبەت بوو
بەتانەدان لە هەموارکردنەوەی یاسای باری کەسێتی.
هەواڵ: KNN
ئەمرۆ یەكشەممە دادگای
باڵای فیدراڵی تانەیەكی سەبارەت بەنادەستوریبونی هەموارکردنەوەی یاسای باری کەسێتی ڕەتكردەوە كە لەلایەن چەند ڕێکخراو و چالاکوان و پەرلەمانتارێک لەدژی
سەرۆكی پەرلەمانی عیراق تۆماركرابوو.
دادگای باڵای
فیدراڵی جەختی لەسەر دەستوریبونی رێكارە یاساییەكان بۆ هەمواركردنەوەكە كردوەتەوە
.
هەمواری یاسای
باری كەسێتی کە لەلایەن پەرلەمانتار رائید مالکی ئامادەکراو لەلایەن پەرلەمانیشەوە دەنگی لەسەر درا ، دوو
خاڵی تێدایە كەبووەتە مایەی مشتومڕ و کۆمەڵگەی عێراقی بەسەر دوو بەرەدا
دابەشکردووە، ئەوانیش دەستنیشانکردنی مەزهەب لەکاتی هاوسەگیری و جیابوونەوە، لەگەڵ
رێگەدان بەو هاوسەرگیریانەی لە دەرەوەی دادگاکان ئەنجام دەدرێن.
257 جار خوێندراوەتەوە