بەپێی ئامارێكی بانكی ناوەندیی عیراق ؛ لەماوەی ساڵی 2024دا عیراق بەبەهای 87 ملیار دۆلاركاڵای هاوردەكردوە.

هەواڵ: KNN

وەك لەئامارەكەدا هاتووە؛ بەرزبونەوەی ئاستی هاوردەكردن لەساڵی پاردا بەبەراورد بەساڵی 2023 بە رێژەی لە 32% زیادیكردوە كەتیایدا نزیكەی 65 ملیار دۆلار بووە.

ئاماژە بەوەشكراوە؛ وڵاتانی ئاسیا لەپێشەوەی ئەو وڵاتانەبوون كە بەرزترین ئاستی هەناردەكردنیان بۆ عیراق هەبوە كەزیاتر لە 59 ملیار بوە لەكاتێدا ئەوروپا 11 ملیارو وڵاتانی عەرەبییش بەبەهای 4 ملیار دۆلار كەلوپەل و كاڵایان بۆ ئەم وڵاتە هەناردەكردوە.

بەپێی هەمان ئامارە دیارترین کاڵا هاوردەکراوەکان بۆ عیراق  بریتی بوون لە كەلوپەل وئامێری گواستنەوە بە بەهای 33 ملیار دۆلار، کاڵای جۆراوجۆری تر بە بەهای 18 ملیار دۆلارو سووتەمەنی کانزایی بە بەهای 8 ملیار دۆلار، هەروەها ماددەی خۆراکی بە بەهای 4 ملیار دۆلارهاوردەی عیراق كراوە.