وەزارەتی دەرەوەی ئەڵمانیا داوای لەهاوڵاتیانی وڵاتەكەی كرد سەردانی ئێران نەكەن و ئەوانەشی لەو وڵاتە بەجێیبھڵن.
هەواڵ: KNN
بەپێی راگەیەنراوێكی وەزارەتەكە ئاگاداركردنەوەكە دوا بەدوای هەڕەشەی نوێنەرانی حكومەتی تارانە كە بۆ چەند جارێك دوپاتیانكردوەتەوە،كە چالاككردنەوەی میكانیزمی سەپاندنی سزا نێودەوڵەتیەكان بەسەر ئێراندا كاردانەوەی دەبێت.
ئاماژە بەوەشكراوە كە سەپاندنەوەی سزا بەسەر ئەو وڵاتەدا كاریگەری لەسەر بەرژەوەندییەكانی ئەڵمانیاو هاوڵاتیانی دەبێت.
دوێنێ پێنج شەممە هەریەك لەبەریتانیاو فەرەنساو ئەڵمانیا ماوەی مانگێكیان بۆ ئێران دەستنیشانكرد، بۆئەوەی بگاتە رێككەوتن لەسەر دۆسێ ئەتۆمییەكەی بەپێچەوانەوە سەپاندنی سزاكانی سەر وڵاتەكەی دەستپێدەكاتەوە.
78 جار خوێندراوەتەوە