وەزارەتی سامانە سروشتییەکانی هەرێم: لەگەڵ بەغداد لە سەر میکانیزمی هەناردەکردنەوەی نەوت ڕێککەوتین

KNN : Kurdish News Network
06:04 - 13/08/2025
عێراق
+
-

 
وەزارەتی سامانە سروشتییەکانی حکومەتی هەرێمی کوردستان رایگەیاند؛ لەگەڵ وەزارەتی نەوتی عێراق لە سەر میکانیزمی هەناردەکردنەوەی نەوت ڕێککەوتون و کۆنووسی ڕێککەوتنەکەش لەلایەن 23 کەسایەتی شاندی هەردوولا واژۆ کراوە.

ئاماژە بەوەشكراوە  کۆبوونەوەکان لە 17 ی مانگی 7 دەستیانپێکرد و لەو ماوەیەشدا سەردانی تەواوی کێلگەکانی هەرێم کراون و دوای هەڵسەنگاندنی کێشە هونەرییەكانیش گفتوگویەکی زۆر لە سەرمیکانیزمی هەناردەکردنی نەوتی کێڵگەکانی هەرێم کراوە .

 

باس لەوەشكراوە كە هەناردەكردنەكە بەگوێرەی بەرهەمی ڕۆژانەی کێڵگە نەوتییەکانی هەرێمی کوردستان دەبێت، ئەویش دوای ئەوەی 50 هەزار بەرمیل بۆ پێویستی ناوخۆی هەرێم گلدەدرێتەوە و بەرهەمەکەی دیکەش بۆ هەناردەکردن ڕادەستی کۆمپانیای سۆمۆ دەکرێت.

 

جەختیشكراوەتەوە بۆ دەستپێکردنەوەی هەناردەی نەوتی هەرێمی کوردستان ماوەتەوە حکومەتی فیدراڵ لەگەڵ حکومەتی تورکیا قسە بکات و پرۆسەکە جێبەجێ بکرێت.

330 جار خوێندراوەتەوە