دیجیتاڵ میدیای کەی ئێن ئێن زانیاری نوێ ئاشکرا دەکات و لە کۆبونەوەکەی شەوی رابردودا وەرەقەیەک ئامادەکراوە و رێککەوتنی سەرەتایی لەسەر کراوە.
پەیامنێری کەی ئێن ئێن دەڵێت: وەرەقەکە نێردراوە بۆ هەرێم و ئەمڕۆ هەرێم وەڵامی دەداتەوە و ئێوارە دەچێتەوە نێو کۆبونەوەی هاوپەیمانی ئیدارەی دەوڵەت، بە پەسەندکردنی رێککەوتنەکە، دەستدەکرێت بە خەرجکردنی موچە و رێککەوتنەکەش تاکۆتایی ئەمساڵە.
هەروەها چاوەڕێ دەکرێت لە کۆبونەوەی ئەنجومەنی وەزیران، بڕیار لەبارەی ئەو رێککەوتنە سەرەتاییەوە بدرێت و پەسەند بکرێت.
بەپێی رێککەوتنەکە هەرێم لەسەرو 100 ملیار دینارەوە داهاتی ناوخۆ رادەست دەکات و بۆ نەوتیش بڕی 220 هەزار بەرمیل نەوت رادەست دەکات و ئەوەی دەمێنێتەوە بۆ پێداویستی ناوخۆ بەکاردێت.
کەی ئێن ئێن بەردەوام بەدواداچون بۆ وەرگرتنی وەڵامی هەرێم و بەغداد لەسەر ئەو رێککەوتنەکە دەکات.
سلێمانی - بڕیار نامیق
157 جار خوێندراوەتەوە