رێكخەری گشتی بزوتنەی گۆڕان رایدەگەیەنێت: بڕیاربو كە كۆنگرەی نیشتیمانی بزوتنەوەی گۆڕان دەستپێبكات، بەدڵێكی خۆشەوە، بەئومێدێكی گەورەوە چوینە ناو كۆنفڕانس، بەڵام بەداخەوە چەند گێرە شێوێنێك هاتبونە ناو كۆنفڕانسەكە و بەهۆی گرژی و ئاڵۆزی ناوخۆی خۆیانەوە كۆمسیۆن نەیتوانی  رێكارەكانی تەواوكردنی كۆنفڕانس بگرێتەبەر، جەختیشدەكاتەوە، ئەو رێگەی گرتومانەتەبەر دەست لەناو دەست پێكەوە هەمویان جێبەجێ دەكەن.

هەواڵ: (KNNC)

ئێوارەی ئەمڕۆ شەممە لەپەیامێكدا، دانا ئەحەمەد مەجید، رێكخەری گشتی بزوتنەوەی گۆڕان رایگەیاند: بڕیاربو كە كۆنگرەی نیشتیمانی بزوتنەوەی گۆڕان دەستپێبكات كە بەدڵێكی خۆشەوە، بەئومێدێكی گەورەوە چوینە ناو كۆنفڕانس كە بەشێكی زۆری هەڵسوڕاوانی بزوتنەوەی گۆڕان تیایدا بەشداربون، كە لە زاخۆوە تا خانەقین و جەلەولا هاتبون.


رێكخەری گشتی بزوتنەوەی گۆڕان ئاماژەی بۆ ئەوشكرد، بەداخەوە چەند گێرە شێوێنێك هاتبونە ناو كۆنفڕانسەكەی بزوتنەوەی گۆڕانەوە و لەنێوانی خۆیاندا گرژی و ئاڵۆزی رویدا و بەوهۆیەوە كۆمسیۆن نەیتوانی بەردەوامی بدات بە رێكارەكانی تەواوكردنی كۆنفڕانس.


دانا ئەحمەد مەجید، رێكخەری گشتی بزوتنەوەی گۆڕان جەختدەكاتەوە، ئەو رێگەی گرتومانەتەبەر  هەمومان دەست لەناو دەست بزوتنەوەی گۆڕان لەبەرزی دەبینین و لەبەرزیدا دەمێنێتەوە بەجۆرێك هەڵدەستێتەوە كە هەمو ئەو خواست و ویستانەی گۆڕانخوازان دەیانەوێت، هەمویان جێبەجێ دەكەن.


دەقی پەیامەكەی دانا ئەحمەد مەجید، رێكخەری گشتی بزوتنەوەی گۆڕان


هاوڵاتیانی بەڕێز
هەڵسوڕاوانی خۆشەویست

ئەمڕۆ (2025/5/24) وابڕیاربو كە كۆنگرەی نیشتیمانی بزوتنەوەی گۆڕان دەستپێبكات، بەدڵێكی خۆشەوە، بەئومێدێكی گەورەوە چوینە ناو كۆنفڕانس كە بەشێكی زۆری هەڵسوڕاوانی بزوتنەوەی گۆڕان تیایدا بەشداربون، كە لە زاخۆوە تا خانەقین و جەلەولا هاتبون.

بەبەشدارییەكی چاك و شكڵێكی رێكوپێك، لەژێر چاودێری كۆمسیۆنی باڵای هەڵبژاردنەكانی عێراق بەڕێوەچو، هەمومان دڵمان بە ئەو كۆبونەوە خۆشبو، چونكە ئەو هەڵسوڕاوانە سەلمانیدیان كە بزوتنەوەی گۆڕان زیندوە، دەتوانێت هەستێتەوە و ببێتەوە بەژمارەیەكی گەورە لە ئۆپۆزسیۆنی باشوری كوردستاندا، هەروەك پشتر كە هەبوە.

بەڵام؛ بەداخەوە چەند گێرە شێوێنێك هاتبونە ناو كۆنفڕانسەكەی بزوتنەوەی گۆڕانەوە و لەنێوانی خۆیاندا گرژی و ئاڵۆزی رویدا، ئەو هەڵوسوڕاو و باژێروانانەی لەوێ بون، پابەندبون بە گۆڕان وبیروباوەڕی راستەقینەی گۆڕانخوازی كەسیان لەشوێنی جۆیان نەجوڵاون ئەوەش هەڵوێستێكی كارامە و مەردانەیە.

بەداخەوە كۆمسیۆن نەیتوانی بەردەوامی بدات بە رێكارەكانی تەواوكردنی كۆنفڕانس، لەبەر ئەو گەیشتن بەئەو ئەنجامەی سەركۆنەی ئاژاوە چییەكانیان كرد كەبەبەڵگە لەلامانەوە و دەتوانین بڵاوی بكەینەوە، بۆیە كۆنفڕانسەكەی بزوتنەوەی گۆڕانی بۆ كاتێكی دیكە دواخست.

ئێمە لێرەوە بەهەمو گۆڕانخوازان دەڵێین، ئەوە رێگەی لەگەڵ ئێوەی بەڕێز و خۆشەویست گرتومانەتەبەر هەمومان دەستلەناو دەست بزوتنەوەی گۆڕان لەبەرزی دەبینین و لەبەرزیدا دەمێنێتەوە بەجۆرێك هەڵدەستێتەوە كە هەمو ئەو خواست و ویستانەی گۆڕانخوازان دەیانەوێت، ئەو بەرنامانەی نوسیویانە و پەیڕەوی دەكەن هەمویان جێبەجێ بكەین رو سوپاستان دەكەم.


دانا ئەحمەد مەجید
رێكخەری گشتی بزوتنەوەی گۆڕان
2025/5/24