سەرۆكی دیوانی پەرلەمانی كوردستان بەرنامەی كاری یەكەم دانیشتنی خولی شەشەمی پەرلەمانی كوردستانی بڵاوكردەوە لە رۆژى 2ـى 12 یەکەم دانیشتنى پەرلەمانى کوردستان بەڕێوەدەچێت.


هەواڵ: (KNNC)

ئەردەڵام محەمەد، سەرۆكی دیوانی پەرلەمانی كوردستان بڵاویكردەوە؛ بەپێی حكومی ماددەكانی (46، 47 و 48) لە یاسایی هەڵبژاردنەكانی پەرلەمانی كوردستان دانیشتنی (یەكەم)ـی ساڵی یەكەمی خولی شەشەمی پەرلەمان دەكەوێتە كاتژمێر (11:00)ـی پێش نیوەڕۆی رۆژی دوشەممە (2024/12/2).

ئاماژەی بۆ ئەوەشكردوە؛ بانگێشتی بەتەمەنترین كاندیدی ئامادەبوی سەركەوتوی خولی شەشەمی هەڵبژاردنی پەرلەمان لەلایەن سەرۆكی دیوانی پەرلەمان بۆ سوێند خواردن و بەڕێوەبردنی دانیشتنەكە، دەكرێت.


ئەمەدەقی رایگەیەندراوەكەیە:

بەپێی حكومی ماددەكانی (46، 47 و 48) لە یاسایی هەڵبژاردنەكانی پەرلەمانی كوردستان ژمارە (1ـی ساڵی 1992)ـی هەمواركراو و ماددەی دوی پەیڕەوی ناوخۆی پەرلەمانی كوردستان بەرنامەی كاری دانیشتنی (یەكەم)ـی خولی پایزەی ساڵی یەكەم لە خولی هەڵبژاردنی شەشەمی پەرلەمان لە كاتژمێر (11:00)ـی پێش نیوەڕۆ رۆی دوشەممە رێككەوتی (2024/12/2) بەم شێوە دەبێت؛

یەكەم: كردنەوەی دانیشتنەكە بەچەند ئایەتێك لە قورئانی پیرۆز.

دوەم: یەك خولەك وەستان بۆ رێزلێنان لە گیانی پاكی شەهیدانی كوردستان.

سێیەم: بانگێشتكردنی بەتەمەنترین كاندیدی ئامادەبو، لەپاڵێوراوانی سەركەوتوی خولی شەشەمی هەڵبژاردنی پەرلەمان لەلایەن سەرۆكی دیوانی پەرلەمان بۆ سوێند خواردن و بەڕێوەبردنی دانیشتنەكە، بەپێی حوكی بڕگەی (دوەم) و بڕگەی  (یەكەم)ـی لەپەیڕەوی ناوخۆی پەرلەمان.

چوارەم: سەرۆكی (یەكەم) دانیشتنی خولی شەشەم، كاندیدە هەڵبژێردراوەكان بۆ خولی شەشەمی پەرلەمانی كوردستنان – عێراق بانگ دەكات بۆ سوێند خواردنی یاسایی، بەپێی حوكمی بڕگەی (دووەم)ـی پەیڕەوی ناوخۆی پەرلەمانی كوردستان، پاشان دانیشتنەكە لەلایەن سەرۆكی یەكەم دانیشتن بەپێی حوكمی ماددەكانی پەیڕەوی ناوخۆی پەرلەمانی كوردستان بەڕێوەدەبات.