وەزیرى دەرەوەى ئێران
سەردانى ئوردن و میسر و تورکیا دەکات، وتەبێژى وەزارەتەکەش دەڵێت: لە چوارچێوەى
هەوڵە دیپلۆماسییەکان دەبێت بۆ راوەستانى شەڕ.
هەواڵ:KNNC
وەزارەتى دەرەوەى
ئێران رایگەیاند؛ عەباس عێراقچى گەشتێکى گشتگیر دەکات بۆ هەریەکە لە ئەردەن و میسر
و تورکیا و هەر ئەمڕۆش لە عەمان چاوى بە هاوتا ئەردەنییەکەى دەکەوێت.
لەبارەى ئەم سەردانەوە، وتەبێژى وەزارەتى
دەرەوەى ئێران رایگەیاندوە؛ ئەم سەردانە بۆ وڵاتانى دراوسێ بۆ بەردەوامیدانە بە
گفتوگۆکان و ئێران لە هەوڵە دیپلۆماسییەکانى بۆ راوەستانى شەڕ و ئارامیی هەرێمى بەردەوامە.
ئەم سەردانەى وەزیرى دەرەوەى ئێران بۆ وڵاتانى
دراوسێی و بەمەبەستى راگرتنى شەڕ لەکاتێکدایە کە وڵاتەکەى لەبەردەم مەترسیی
وەڵامدانەوەى ئیسرائیلە بۆ ئەو هێرشەى ئێران بۆسەر تەلئەبیب.
330 جار خوێندراوەتەوە