ماوەى پڕکردنەوەى فۆڕمى زانکۆلاین بۆ دەرچوانى پۆلى 12 ئامادەیى درێژکرایەوە، وەزارەتى خوێندىن باڵاش دەڵێت: زیاتر 70%ى دەرچوانى ئەمساڵ فۆڕمەکەیان پڕکردوەتەوە.

هەواڵ:KNNC

وەزارەتى خوێندنى باڵا و توێژینەوەى زانستى  بڵاویکردەوە، لەپێناو پێدانى دەرفەتى زیاتر بە دەرچوانى دوانزەى ئامادەیى، بڕیاردرا ماوەى زانکۆلاین بۆ پێنج رۆژى دیکە واتە تاکو کاتژمێر (١٢)ـی شەوى شەممە لەسەر یەکشەممە ڕێکەوتى (2024/10/5) بۆ دەرچوانى قۆناغى دوانزەى ئاماەیی درێژبکرێتەوە، ئەوەش دواین دەرفەتە و چیتر ماوەکەى درێژناکرێتەوە.

راشیدەگەیەنێت، دەرچوانى هەردو خولى یەکەم و دوەمى خوێندنگە کوردییەکانى ناوچە کوردستانییەکانى دەرەوەى ئیدارەى هەرێمى کوردستانیش دەتوانن سود لەم دەرفەتە وەربگرن و فۆرمى زانکۆلاین پڕبکەنەوە.

وەزارەتى خوێندنى باڵا ئاماژەی بەوەشکردوە، تاکو پێشنیوەڕۆى ئەمڕۆ (71%)ى دەرچوانى ئەمساڵ داواکارییان لە ڕێگەى زانکۆلاین پێشکەش کردوە، واتە 39هەزار دەرچوى ئەمساڵ و شەش هەزار دەرچوى ساڵانى پێشوش داواکارییان پێشکەش کردوە.