کەی ئێن ئێن وادەی دابەشکردنی موچەی مانگی پێنج ئاشکرا دەکات

KNN : Kurdish News Network
01:11 - 27/05/2022
کوردستان

سبەینێ کۆتایی بە دابەشکردنی موچەی مانگی نیسان دێت و  رۆژی یەکشەممەی داهاتو تریش موچەی مانگی ئایار دابەش دەکرێت.

بەپێی زانیارییەکانی دیجیتاڵ میدیای کەی ئێن ئێن؛ ئامادەکارییەکان بۆ دابەشکردنی موچەی مانگی ئایار دەستیپێکردوە و رۆژی یەکشەممەی داهاتوتر کە دەکاتە 5/6/2022، دەستدەکرێت بە دابەشکردنی موچەی مانگی ئایار.

هەر بەپێی زانیارییەکانی کەی ئێن ئێن، لەسەدا (80)ی پارەی موچە بۆ ئەم مانگە ئامادەییە و تەنها بۆ لەسەدا (20)ی موچە پشت بە داهاتی ناوخۆ دەبەسترێت و بەبێ کێشە موچە دابەش دەکرێت.

کەی ئێن ئێن زانیویەتی، بە درێژایی هەفتەی رابردو وەزیری دارایی لە سلێمانی دەوامیکردوە و لیژنەیەکی پێکهێناوە بۆ بەدواداچون و وردبینیکردن لە داهاتی سلێمانی تاوەکو گرفتەکانی بەردەم پڕۆسەی کۆکردنەوەی داهات بزاندر.ێت و هەفتەی داهاتو دەرەنجامی لێکۆڵینەوەکە دەخرێتە بەردەم وەزیری دارایی

سلێمانی - بڕیار نامیق
13831 جار خوێندراوەتەوە