حکومەتى هەرێمى کوردستان رەزامەندى دا لەسەر جێبەجێ کردنى حەوت پرۆژە لە سنورى
پارێزگاى سلێمانى بەتێچوى زیاتر (547) ملیۆن دینار.
بەپێى دوو نوسراوى سەرۆکایەتى ئەنجومەنى وەزیران کە ئاراستەى وەزارەتى
دارایى و ئابورى کراوە، رەزامەندى دراوە لەسەر
جێبەجێ کردنى حەوت پرۆژە.
لە نوسراوى یەکەمدا رەزامەندى دراوە لەسەر (454) ملیۆن و (621) هەزار
و(700) دینار لەسەر بودجەى پەرەپێدانى
پارێزگاى سلێمانى بۆ جێبەجێى کردنى پرۆژەى ئاوى خواردنەوەى گوندەکانى ( بەرزەڕوو،
سەرکەند، خمانەى شەشۆ، دارەبەن، دەشتى تلێ) لەگەڵ دروستکردنى تانکى ئاوى
خواردنەوەى گوندى بڵخوان.
لە نوسراوى دووەمیشدا رەزامەندى
دراوە لەسەر تەرخانکردنى بڕى (93) ملیۆن دینار و (371) هەزار و (371) دینار بۆ
دروستکردنى قوتابخانەى نۆ پۆلى لە گوندى سەرسوراو لە قەزاى پێنجوێن.
1310 جار خوێندراوەتەوە