جگە لەبەریتانیا جۆرە نوێیەکەى ڤایرۆسى کۆرۆنا لەچەند وڵاتێکى دیکە بڵاودەبێتەوە

KNN : Kurdish News Network
05:09 - 20/12/2020
جیهان

بەوتەى بەرپرسێکى رێکخراوى تەندروستى جیهانى جۆرە نوێیەکەى ڤایرۆسى کۆرۆنا جگە لە بەریتانیا لە چەند وڵاتێکى دیکەش بڵاوبوەتەوە.

ماریا ڤانکیرخۆف، پسپۆرى نەخۆشیە لەناکاوەکان لە رێکخراوى تەندروستى جیهانى لەچاوپێکەتنێکیدا لەگەڵ تۆڕى هەواڵى (بى، بى، سى) رایگەیاند، لە هۆڵەندا و دانیمارک وئوسترالیا لە هەریەکەیان یەک حاڵەتى توشبون بە جۆرە نوێیەکەى ڤایرۆسى کۆرۆنا تۆمارکراوە.

ئەو بەرپرسەى رێکخراوى تەندروستى جیهانى هۆشداریدا و رایگەیاند، ئەو جۆرە نوێیەى ڤایرۆسى کۆرۆنا توانایەکى زیاترى هەیە بۆبڵابونەوە، بۆیە پێویستە رێوشوێنى توند بۆ بەرگرتن لە بڵاوبونەوەى بگیرێتەبەر.

ئەوە لەکاتێکدایە پێشتر مات هانکوک،  وەزیری تەندروستی بەریتانیا رایگەیاندبوو، جۆرە نوێیەکەى ڤایرۆسی کۆرۆنا لەکۆنتڕۆڵ دەرچوە و پێویستە حکومەت  رێوشوێنى پێویست بگرێتەبەر بۆکەمکردنەوەى قەرەباڵغى .

1637 جار خوێندراوەتەوە